Che aikove cheháicha, che peteï tekove ndeichaguánte avei.

Añemomba’e ha ajerrespetava’erä che reko iñambuéramo jepe. Oñemomba’eva’erä che rekove ha che derécho oñemomba’eháicha ne mba’e ha opavavete mba’éva.

Añeñandu porä nde cherohorýramo, che rayhu ha reñembosarái ramo chendive.

Nde ningo reñeñandu porätante avei rejehayhúramo ha ambue nde rapicha nemomba’éramo. Chemoirümi umi mba’e ajaposévape, umi mba’e che ahayhúvape ha tajaikove vy’ápe oñondive.

Añeñandu porä reñangarekóramo cherehe.

Chemo’äramo mba’e vaígui ha chembo’éramo mba’éichapa añangarekóta chejehe che ningo aiméne avei, ijaháicha chéve nde reikotevë ramo cherehe.

Aipota chemoneï chehaichaite, tachepytyvö ajapo haguä che ajapokuaáva ha tachehekombo’e hekopete.

Avy’a rehechakuaáramo mba’épepa chekatupyry ha chepytyvöramo aiko haguä peteï ñe’ëme opavave ndive.

Avy’a cherendúramo, remombe’úramo chéve oikóva hína ha remomba’éramo che remimo’ä.

Ko’ä mba’e chemombarete ha chepytyvö aikuaa ha akakuaa poräve haguä.

Añeñandu porä rejeroviáramo cherehe ha chepytyvöramo aikuaave haçua.

Péva omombarete che rekove, che ajapokuaáva ha chemombarete chehaichaite.

Añeñandu porä chentendéramo, reiméramo che ykére ha chembopy’aguapýramo añeñandu vai vove. Heta jevy, péicha jave aikotevë hína ndere.

Chembopy’arory chemoigéramo pendeapytépe.

Aikose umi ojevy’ahápe, py’aguapy ha techaramóme, oï’ÿháme ñemboyke, teremomba’e ha tachepytyvö ha’e haguä ha’eséva che ha’ekuaaháicha.

Aipota chemomba’e ha eñangareko cherehe mamo aimehápe, anitei ojejahéi cherehe mba’eveichavérö.

Opavavére oñeñangarekoháicha oñeñangarekova’erä cherehe, che ánga ha che akä rehe.

Tuicha mba’e chéve pe chegueroviáramo.

Aikotevë ojejeroviami cherehe nderehe ojejeroviaháicha.

10 ñe’ē ropyta ore mitãrusu ha mitãkuña roikovéva discapacidad rehevepe oremo’ãva, oremboheko porāva ha oreipytyvōva rokakuaa haçuáicha arandupópe

1

2

3

4

5

6

7

8

9

10